స్వప్న సుందరి (1950) చిత్రం కోసం ఘంటసాల మాస్టారు పాడిన పాటలు

1950లో ప్రతిభా ప్రొడక్షన్స్ బ్యానర్‌పై ఘంటసాల బలరామయ్య నిర్మించి దర్శకత్వం వహించిన చిత్రం స్వప్న సుందరి. ఇందులో అక్కినేని నాగేశ్వరరావు మరియు అంజలి దేవి నటించారు, సి.ఆర్. సుబ్బురామన్ మరియు ఘంటసాల సంయుక్తంగా సంగీతం అందించారు. చిత్రం టైటిల్స్ లో ఘంటసాల మాస్టారి పేరును జి.వి. రావుగా ప్రకటించారు.  అక్కినేని తొలుత బాలరాజు, కీలుగుఱ్ఱం వంటి జానపద చిత్రాలలో నటించి గొప్పపేరు తెచ్చుకోవడం తో, ఘంటసాల బలరామయ్య తను నిర్మించే జానపద చిత్రంలో అక్కినేనిని నాయకునిగా ఎన్నుకున్నారు. ఇతర పాత్రలలో జి. వరలక్ష్మి, కస్తూరి శివరావు, ముక్కామల కృష్ణమూర్తి, సురభి బాల సరస్వతి నటించారు. మాటలు, పాటలు సముద్రాల రాఘవాచార్యులు అందించారు, ఈ చిత్రం కాశీ మజిలీ కథలు ఆధారంగా రూపొందించబడింది మరియు అదే పేరుతో తమిళంలో కూడా డబ్ చేయబడింది. ఘంటసాల మాస్టారు నాలుగు పాటలతో పాటు పతాక సన్నివేశంలో 'కాదోయి వగకాడా కలకాదోయి' అనే బిట్ ఆర్.బాలసరస్వతి తో పాడారు.

~సినిమా వివరాలు ~

చిత్రం#	విడుదల	నిర్మాణం	చిత్రం	సంగీతం	నిర్మాత & దర్శకుడు
20	09.11.1950	ప్రతిభా వారి	స్వప్నసుందరి	సి.ఆర్.సుబ్బురామన్	ఘంటసాల బలరామయ్య

~పాటల వివరాలు ~

#	పాట/పద్యం/శ్లోకం	తీరు	రచన	పాడినవారు	అభినయం
1	సాగుమా సాహిణి	(ఏ)	సముద్రాల సీ.	ఘంటసాల	అక్కినేని
2	నిజమాయే కల నిజమాయే	(ఏ)	సముద్రాల సీ.	ఘంటసాల	అక్కినేని
3	ఈ సీమ వెలసిన హాయి	(యు)	సముద్రాల సీ.	ఘంటసాల, ఆర్.బాలసరస్వతి	అక్కినేని, అంజలీదేవి
4	కానగనైతినిగా నిన్ను	(యు)	సముద్రాల సీ.	ఘంటసాల, ఆర్.బాలసరస్వతి	అక్కినేని, అంజలీదేవి
5	కాదోయి వగకాడా (బిట్)	(యు)	సముద్రాల సీ.	ఘంటసాల, ఆర్.బాలసరస్వతి	అక్కినేని, అంజలీదేవి

వాలి సుగ్రీవ (1950) చిత్రం కోసం ఘంటసాల మాస్టారు పాడిన పాటలు

 

అశోకా పిక్చర్స్ పతాకంపై 1950 లో ఎస్.భావనారాయణ నిర్మించిన, జంపన చంద్రశేఖరరావు దర్శకత్వం వహించిన చిత్రం 'వాలి సుగ్రీవ'. ఈ చిత్రంలో తారాగణం చిలకలపూడి సీతారామాంజనేయులు (సి.ఎస్.ఆర్.), శ్రీరంజని, జి.వరలక్ష్మి, ఎస్.వరలక్ష్మి మొదలగు వారు. ఈ చిత్రానికి సంగీత దర్శకులు సాలూరు రాజేశ్వరరావు, మాస్టర్ వేణు, పెండ్యాల, గాలిపెంచల మరియు ఘంటసాల. ఈ చిత్రంలో గాయనీగాయకులు జి.వరలక్ష్మి , ఎం ఎస్.రామారావు, ఎస్ సుందరమ్మ, ఎస్.రాజేశ్వరరావు, మాస్టర్ వేణు, ఘంటసాల, ఎస్ వరలక్ష్మి, సౌమిత్రి, కె.బాలసరస్వతి. మొత్తం పాటలలో 15 పాటలున్నాయి ఈ చిత్రంలో. వాటిలో ఘంటసాల మాస్టారు రెండు పాటలు పాడారు అందులో ఒకటి ఎస్. రాజేశ్వర రావు గారు, వేరొకటి ఘంటసాల మాస్టారు బాణీ కట్టారు. ఈ పాటల ఆడియోలు మరియు వీడియోలు ప్రస్తుతం అలభ్యం. వాటి సాహిత్యం లభ్యం. సాహిత్యాన్ని సేకరించి అందించిన శ్రీ చల్లా సుబ్బారాయుడు గారికి ధన్యవాదాలు.

~సినిమా వివరాలు~

చిత్రం#	విడుదల	నిర్మాణం	చిత్రం	సంగీతం	నిర్మాత	దర్శకుడు
18	19.01.1950	అశోకా పిక్చర్స్	వాలి సుగ్రీవ	సాలూరు, పెండ్యాల, గాలిపెంచల, మాస్టర్ వేణు, ఘంటసాల	ఎస్. భావనారాయణ	జంపన

~పాటల వివరాలు -

#	పాట/పద్యం/శ్లోకం	తీరు	రచన	పాడినవారు	సంగీతం	అభినయం
1	కళావిలాసము ప్రేమే	(యు)	జంపన	ఘంటసాల, ఎస్.వరలక్ష్మి	సాలూరు	తెలియదు
2	బ్రతుకే నిరాశ వలపు లేక	(యు)	జంపన	ఘంటసాల, ఆర్.బాలసరస్వతి	ఘంటసాల	తెలియదు

అ - అలభ్యం, యు - యుగళగీతం