ఆహుతి (1950) అనువాద చిత్రానికి ఘంటసాల మాస్టారు పాడిన పాటలు

 శ్రీశ్రీ అనువాద సినీగీతాలు గురించి డా. పైడిపాల గారు ఆంధ్రభూమి వ్యాసంలో ఈ విధంగా వ్రాసారు. "అభ్యుదయ కవిగా మహాప్రస్థాన కర్తగా లబ్ధప్రతిష్ఠులైన తర్వాతే శ్రీశ్రీ సినీరంగ ప్రవేశం చేసినట్టు చాలామందికి తెలుసు. కాని శ్రీశ్రీ సినీగేయ ప్రస్థానం అనువాద చిత్రంతో ఆరంభమయిందని, అనువాద చిత్ర రచనకు తెలుగులో శ్రీశ్రీయే ఆద్యులని తెలిసిన వాళ్లు తక్కువ. ఆ మాటకొస్తే శ్రీశ్రీ సినిమా పాటలున్న మొత్తం చిత్రాల్లో (255) నేరుగా తెలుగులో తీసిన చిత్రాల్లోని పాటల (450) కంటే అనువాద చిత్రాల్లోని పాటల సంఖ్యే (500) ఎక్కువ!  తనకు సినిమా సరదా పన్నెండేళ్ల వయసులోనే వున్నట్టు శ్రీశ్రీ ‘అనంతం’ ఆత్మకథలో రాసుకొన్నారు. మహాప్రస్థాన గేయం మార్పులతో ‘కాలచక్రం’ (1940) అనే చిత్రంలో రావడంతో శ్రీశ్రీ సినీ రంగంలో వేలు పెట్టినట్టయింది. అయితే శ్రీశ్రీ ఆ కవితను తన మొదటి సినిమా పాటగా పరిగణించలేదు. ఆ కవితను సినిమాలో వినియోగించుకోవడమే తప్ప ఆ నిర్మాతతో ముందుగా మాట్లాడుకొన్న స్వల్ప పారితోషికం కూడా వారు చెల్లించలేదట! 

1946లో ఆర్.యస్.జునార్కర్ నిర్మించిన ‘నీరా ఔర్ నందా’ అనే హిందీ చిత్రాన్ని 1950లో నవీనా ఫిలిమ్స్ వారు జగన్నాథ్ పర్యవేక్షణలో ‘ఆహుతి’ పేరుతో అనువదించడంతో తెలుగులో అనువాద చిత్ర నిర్మాణశకం ఆరంభమయింది. ఆహుతి చిత్రానికి మాటలు పాటలు రాసే అవకాశం శ్రీశ్రీకి లభించింది. అలా సినీ రచయితగా తన పేరు తెరకెక్కించిన తొలి చిత్రం ఆహుతియేనని, అదే తన సినీ రచనకు పునాది వేసిందని శ్రీశ్రీయే స్వయంగా రాశారు."

~ సినిమా వివరాలు ~

చిత్రం#	విడుదల	నిర్మాణం	చిత్రం	సంగీతం	నిర్మాత	దర్శకుడు
19	22.06.1950	నవీనా ఫిల్మ్స్	ఆహుతి(డ)	ఎస్. రాజేశ్వరరావు	జగన్నాథ్	ఆర్.ఎస్.జున్నాకర్

~ పాటల వివరాలు ~

#	పాట/పద్యం/శ్లోకం	తీరు	రచన	పాడినవారు	అభినయం
1	ఓ ప్రియబాలనురా	(యు)	శ్రీశ్రీ	ఘంటసాల,ఆర్.బాలసరస్వతి	తెలియదు
2	జనన మరణలీలా	(యు)	శ్రీశ్రీ	ఘంటసాల,ఆర్.బాలసరస్వతి	తెలియదు
3	పున్నమి వచ్చినది (అ)	(యు)	శ్రీశ్రీ	ఘంటసాల,ఆర్.బాలసరస్వతి	తెలియదు
4	హంసవలె ఓ పడవ	(యు)	శ్రీశ్రీ	ఘంటసాల,ఆర్.బాలసరస్వతి	తెలియదు
5	ప్రేమయే జననమరణలీల (అ)	(యు)	శ్రీశ్రీ	ఘంటసాల,ఆర్.బాలసరస్వతి	తెలియదు

అ - అలభ్యం, యు - యుగళగీతం