బాలరాజు (1948) చిత్రం కోసం ఘంటసాల మాస్టారు పాడిన, బాణీ కూర్చిన పాటలు

ఘంటసాల బలరామయ్య గారు నిర్మాతగా, దర్శకునిగా 1948 లో విడుదలైన చిత్రం బాలరాజు. ఈ చిత్రం అక్కినేని నాగేశ్వరరావు, కస్తూరి శివరావులకు అనూహ్యమైన మలుపు తిప్పింది. ఈ చిత్రానికి సంగీతాన్ని గాలి పెంచల నరసింహారావు సమకూరిస్తే, వారికి సహాయకులుగా ఘంటసాల మాస్టారు, సి.ఆర్.సుబ్బురామన్ లు వ్యవహరించారు. చిత్రానికి పాటలు, మాటలు సముద్రాల రాఘవాచార్యులు సమకూర్చగా, మల్లాది రామకృష్ణ శాస్త్రి గీతరచన సహాయకులుగా వ్యవహరించారు. ఈ చిత్రంలో అక్కినేని చెలియా కనరావా పాటను స్వయంగా పాడారు. కాని తరువాత ఘంటసాల మాస్టారి కంచు కంఠంలో అదే పాటను విన్నతరువాత మాస్టారి పాటనే ఖాయం చేశారు. అందువలన ఇద్దరి వెర్షన్లు లభ్యమవుతాయి.

నటీనటులు - అక్కినేని, ఎస్.వరలక్ష్మి, అంజలీదేవి, కస్తూరి శివరావు, జి. సదాశివరావు

~ చిత్రం వివరాలు ~

చిత్రం#	విడుదల	నిర్మాణం	చిత్రం	సంగీతం	నిర్మాత	దర్శకుడు
7	26.02.1948	ప్రతిభా	బాలరాజు	గాలిపెంచెల	ఘంటసాల బలరామయ్య	ఘంటసాల బలరామయ్య

ఈ చిత్రానికి గాలి పెంచల స్వరనిరేశకులైనప్పటికీ ఘంటసాల మాస్టారు కొన్ని పాటలకు స్వయంగా బాణీలు సమకూర్చారు.

~ పాటల వివరాలు ~

#	పాట/పద్యం/శ్లోకం	తీరు	రచన	సంగీతం	పాడినవారు	అభినయం
1	నవోదయం నవోదయం	(యు)	సముద్రాల సీ.	ఘంటసాల	ఘంటసాల, వి.సరళ	అక్కినేని
2	చెలియా కనరావా	(ఏ)	సముద్రాల సీ.	గాలిపెంచెల	ఘంటసాల	లింగం సుబ్బారావు, ఎస్.వరలక్ష్మి
3	తేలి చూడుము హాయీ	(యు)	సముద్రాల సీ.	గాలిపెంచెల	ఘంటసాల, ఎస్.వరలక్ష్మి	ఎస్.వరలక్ష్మి
4	ఎవరినే నేనెవరినే	(ఏ)	సముద్రాల సీ.	ఘంటసాల	ఎస్.వరలక్ష్మి	ఎస్.వరలక్ష్మి
5	ఓ బాలరాజా ప్రేమే ఎరుగవా	(ఏ)	సముద్రాల సీ.	ఘంటసాల	ఎస్.వరలక్ష్మి	అంజలీదేవి
6	తీయని వెన్నెల రేయి	(ఏ)	సముద్రాల సీ.	ఘంటసాల	వి.సరళ	ఎస్.వరలక్ష్మి
7	రూపము నీయరయా	(ఏ)	సముద్రాల సీ.	ఘంటసాల	ఎస్.వరలక్ష్మి	ఎస్.వరలక్ష్మి
8	వరుణా వరుణా వర్షించ	(ఏ)	సముద్రాల సీ.	ఘంటసాల	ఎస్.వరలక్ష్మి	ఎస్.వరలక్ష్మి
9	రాజా రారా నా రాజా	(ఏ)	సముద్రాల సీ.	ఘంటసాల	ఎస్.వరలక్ష్మి	ఎస్.వరలక్ష్మి

కృతజ్ఞతలు: ఈ చిత్రపు విశేషాలు, పాటల వివరాలు తాను సంకలనం చేసిన "శతాబ్ది గాయకుడు - ఘంటసాల" పుస్తకం ద్వారా తెలిపిన మిత్రులు శ్రీ చల్లా సుబ్బారాయుడు గారికి హృదయపూర్వక ధన్యవాదాలు.