పెళ్ళిచేసి చూడు (1952) చిత్రం కోసం ఘంటసాల మాస్టారు సంగీతం కూర్చిన పాటలు

నాగిరెడ్డి మరియు చక్రపాన్ణి వారి ప్రతిష్ఠాత్మకమైన విజయా ప్రొడక్షన్సు బ్యానర్ క్రింద L. V. ప్రసాద్ దర్శకత్వంలో 1952 లో నిర్మించబడిన వ్యంగ్య హాస్య చిత్రం “పెళ్ళిచేసిచూడు”. దీనిని ఏకకాలంలో తెలుగు మరియు తమిళ (కళ్యాణం పన్ని పర్) భాషలలో నిర్మించారు. ఇందులో ఎన్.టి.రామారావు, జి.వరలక్ష్మి, యండమూరి జోగారావు, సావిత్రి నటించారు. S. V. రంగారావు, శివరామ కృష్ణయ్య, దొరస్వామి మరియు సూర్యకాంతం తెలుగు వెర్షన్‌లో సహాయక పాత్రలు పోషిస్తుండగా, తమిళంలో కృష్ణయ్య స్థానంలో C. V. V. పంతులు నటించారు.

ఈ చిత్రం కట్న వ్యవస్థ వల్ల కలిగే ప్రతికూల ప్రభావాలను నాయికా నాయకులైన అమ్మడు (జి. వరలక్ష్మి) మరియు వెంకట రమణ (రామారావు) పాత్రల  వైవాహిక జీవితం ద్వారా తెలియజేస్తుంది. విజయా వారి 'పాతాళ భైరవి' (1951) విడుదలైన తర్వాత ఈ సినిమా నిర్మాణం ప్రారంభమైంది. మార్కస్ బార్ట్‌లీని సినిమాటోగ్రాఫర్‌గా నియమించారు. ఘంటసాల మాస్టారు ఈ చిత్రానికి రసవత్తరమైన సంగీతం సమకూర్చారు. ఈ చిత్రానికి నేపథ్య గానం ఘంటసాల, పి.లీల, ఎ.పి.కోమల, కె. రాణి, యు. సరోజిని, జి.భారతి, పిఠాపురం నాగేశ్వరరావు, రామకృష్ణ, శకుంతల, మరియు జి.వరలక్ష్మి.

ఈ చిత్రం 1952 ఫిబ్రవరి 29న విడుదల కాగా, దీని తమిళ వెర్షన్ ఆగస్టు 15న విడుదలైంది. ఈ రెండు వెర్షన్లూ వాణిజ్యపరంగా విజయం సాధించి, కల్ట్ క్లాసిక్‌లుగా నిలిచాయి. అంతేకాకుండా, గేవా కలర్‌లో సన్నివేశాలు ఉన్న మొదటి దక్షిణ భారత చిత్రంగా 'కళ్యాణం పణ్ణి పార్' గుర్తింపు పొందింది. అయితే, తెలుగు వెర్షన్‌లో రంగుల సన్నివేశాలు లేవు. ఆ తర్వాత 'పెళ్లి చేసి చూడు' చిత్రాన్ని విజయ ప్రొడక్షన్స్ వారు కన్నడంలో 'మదువే మాడి నోడు' (1965)గా, హిందీలో 'షాదీ కే బాద్' (1972) గా రీమేక్ చేశారు. కన్నడ వెర్షన్ వాణిజ్యపరంగా విజయం సాధించగా, హిందీ వెర్షన్ విజయం సాధించలేదు.

~ చిత్రం వివరాలు ~

చిత్రం#	విడుదల	నిర్మాణం	చిత్రం	సంగీతం	నిర్మాత	దర్శకుడు
27	29.02.1952	విజయా	పెళ్ళి చేసి చూడు	ఘంటసాల	నాగిరెడ్డి-చక్రపాణి	ఎల్.వి.ప్రసాద్

~ పాటల వివరాలు ~

#	పాట/పద్యం/శ్లోకం	తీరు	రచన	పాడినవారు	అభినయం
1	ఎవడొస్తాడో చూస్తాగా	(యు)	పింగళి	గిడుగు భారతి తో	మహంకాళి వెంకయ్య, పుష్పలత
2	ఓ భావిభారత భాగ్యవిధాత	(సా)	పింగళి	ఘంటసాల	ఎన్.టి.ఆర్.
2	పెళ్ళిచేసుకొని ఇల్లు	(ఏ)	పింగళి	ఘంటసాల	ఎన్.టి.ఆర్.
3	ఎవరో ఎవరో ఈ నవనాటక	(యు)	పింగళి	పి.లీల తో	ఎన్.టి.ఆర్., జి.వరలక్ష్మి
4	రాధనురా నీ రాధనురా	(ఏ)	పింగళి	ఘంటసాల	ఎన్.టి.ఆర్.
4	ఓ మనసులోని మనసా	(సా)	పింగళి	ఘంటసాల	ఎన్.టి.ఆర్.
5	ఏమిటే నీ రభస	(ఏ)	పింగళి	ఘంటసాల	ఎన్.టి.ఆర్.
6	బయమెందుకే సిట్టి	(ఏ)	పింగళి	ఘంటసాల	మహంకాళి వెంకయ్య (పుష్పలత తో)
7	ఈ జగమంతా	(ఏ)	పింగళి	ఘంటసాల	ఎన్.టి.ఆర్.
8	అమ్మా నొప్పులే	(బ)	పింగళి	కె.రాణి,యు.సరోజిని, ఎ.పి.కోమల	కందా మోహన్, బేనీ ఉష, బేబీ గిరిజ
9	ఎచ్చట నుండొచ్చినారూ	(యు)	పింగళి	రామకృష్ణ,శకుంతల	మాస్టర్ కుందు, బేబీ గిరిజ
10	ఏ వూరు దానివే	(యు)	పింగళి	రామకృష్ణ,శకుంతల	మాస్టర్ కుందు, బేబీ గిరిజ
11	ఏడుకొండలవాడా!	(ఏ)	పింగళి	పి.లీల	జి.వరలక్ష్మి
12	ఏడుకొండలవాడా!	(ఏ)	పింగళి	జిక్కీ	సినిమాలో లేదు
13	ఏడవకు ఏడవకు యెర్రి	(బ)	పింగళి	పామర్తి,జిక్కీ,జి.వరలక్ష్మి	బాలకృష్ణ, జి.వరలక్ష్మి, సావిత్రి
14	ప్రియా ! ప్రియా! హా ప్రియా!	(బ)	పింగళి	పి.లీల,పిఠాపురం,రామకృష్ణ	సావిత్రి, జోగారావు, మాస్టర్ కుందు
15	పెళ్ళిచేసి చూపిస్తాం	(యు)	పింగళి	పిఠాపురం,రామకృష్ణ	జోగారావు, మాస్టర్ కుందు
16	పోవమ్మా బలికావమ్మా	(ఏ)	పింగళి	వి.జె.వర్మ	నేపథ్యగానం
17	బ్రహ్మయ్యా ఓ బ్రహ్మయ్యా	(బ)	ఊటుకూరి	కె.రాణి,యు.సరోజిని, ఎ.పి.కోమల	మాస్టర్ కుందు, బేబీ రాజకుమారి, మాస్టర్ కోటిలింగం
18	మనసా నేనెవరో నీకు	(ఏ)	పింగళి	పి.లీల	జి.వరలక్ష్మి