నిర్దోషి (1951) చిత్రం కోసం ఘంటసాల మాస్టారు కూర్చిన, పాడిన పాటలు

తొలి తెలుగు టాకీ చిత్రం “భక్తప్రహ్లాద” ను 1931 లో నిర్మించిన హెచ్.ఎం. రెడ్డి (హనుమప్ప మునియప్ప రెడ్డి) రోహిణీ బ్యానర్ మీద 1951లో నిర్మించి దర్శకత్వం వహించినన సాంఘిక చిత్రం నిర్దోషి. ఈ చిత్రంలో ముక్కామల, అంజలీదేవి, టి.ఎల్. కాంతారావు (వెండి తెరకు తొలి పరిచయం), జి.వరలక్ష్మి, లక్ష్మీకాంత,  కోన ప్రభాకరరావు నటించారు. అప్పటి వరకు ప్రతినాయక పాత్రలు ధరిస్తున్న ముక్కామల నాయకునిగా నటించడం విశేషం. ఈ చిత్రానికి ఘంటసాల మాస్టారు మరియు హెచ్.ఎం.పద్మనాభశాస్త్రి (హోస్పేట రామశేష పద్మనాభ శాస్త్రి) సంగీతదర్శకత్వం వహించారు. ఈ చిత్రంలో పాటలున్నాయి. అందులో నాలుగు అలభ్యం. ఘంటసాల మాస్టారు సుందరమ్మతో ఒక యుగళగీతం “స్వాగతం స్వాగతం” పాడారు. మరొక యుగళగీతం జిక్కీతో  “హృదయమె నీతి” లో మాస్టారు ఆలాపన చేసారు. ఈ చిత్రం ఆర్థికంగా పరాజయం పాలైంది.

~ చిత్రం వివరాలు ~

చిత్రం#	విడుదల	నిర్మాణం	చిత్రం	సంగీతం	నిర్మాత & దర్శకుడు
23	24.02.1951	రోహిణీ	నిర్దోషి	ఘంటసాల, పద్మనాభశాస్త్రి	హెచ్.ఎం.రెడ్డి

~ పాటల వివరాలు ~

#	పాట/పద్యం/శ్లోకం	తీరు	రచన	పాడినవారు	అభినయం
1	స్వాగతం స్వాగతం	(యు)	కొండముది,శ్రీశ్రీ	ఘంటసాల, సుందరమ్మ	ముక్కామల, అంజలీదేవి
2	హృదయమే నీతి ఈ జగతికి	(యు)	కొండముది,శ్రీశ్రీ	జిక్కీ, ఘంటసాల (ఆలాపన)	అంజలీదేవి, ముక్కామల
3	చూలాలు సీతమ్మ కానలకు	(ఏ)	కొండముది,శ్రీశ్రీ	మాధవపెద్ది	నేపథ్యగానం
4	నేనే జాణగా నెరజాణగా	(ఏ)	కొండముది,శ్రీశ్రీ	జి.వరలక్ష్మి	జి.వరలక్ష్మి
5	లోకమయ్యా లోకము	(ఏ)	కొండముది,శ్రీశ్రీ	ఎ.వి.సరస్వతి	మధు
6	లాలి లాలి చిన్నారి లాలి	(ఏ)	కొండముది,శ్రీశ్రీ	సుందరమ్మ	జి.వరలక్ష్మి
7	సఖా నా రాజు నీవోయి	(ఏ)	కొండముది,శ్రీశ్రీ	జి.వరలక్ష్మి	జి.వరలక్ష్మి
8	ఆటలనాడుచూ (అ)	(బ)	కొండముది,శ్రీశ్రీ	టి.జి.సరస్వతి,భారతి,రోహిణి	అంజలీదేవి, తదితరులు
9	గతిమాలిన బ్రతుకై పోయెనా (అ)	(ఏ)	కొండముది,శ్రీశ్రీ	సుందరమ్మ	అంజలీదేవి
10	నాగమల్లె సెట్టుకాడ (అ)	(తె)	కొండముది,శ్రీశ్రీ	తెలియదు	కె.ప్రభాకరరావు
11	హాయి హాయి హాయి (అ)	(ఏ)	కొండముది,శ్రీశ్రీ	జిక్కీ	అంజలీదేవి

అ - అలభ్యం; ఏ - ఏకగళగీతం; బ - బహుగళ గీతం; తె - తెలియదు;